ԱՄՆ-ը չի ընդունում Էդվարդ Սնոուդենի իրավապաշտպան գործունեության և գաղտնազերծման իրավունքը։ Այս մասին լրագրողներին ուրբաթ օրն ասել է Պետդեպարտամենտի պաշտոնական ներկայացուցիչ Ջեն Փսակին:
Նա հայտարարել է նաև, որ Սնոուդենի հանդիպումն իրավապաշտպանների հետ նրա համար միայն քարոզելու ամբիոն է հանդիսանում:
Ինչպես ճեպազրույցի ժամանակ հայտարարել է Սպիտակ տան պաշտոնական ներկայացուցիչ Ջեյ Քարնին, ԱՄՆ-ը կոչ է անում Ռուսաստանին հնարավորություն տալ իրավապաշտպան կազմակերպություններին աշխատել երկրի տարբեր մասերում, այլ ոչ թե միայն Սնոուդենի գործերով:
ՀԴԲ-ի նախկին աշխատակից Էդվարդ Սնոուդենն ուրբաթ օրը «Շերեմետևո» օդանավակայանի տարանցիկ գոտում հանդիպել է ՌԴ-ում աշխատող իրավապաշտպան կազմակերպությունների ներկայացուցիչների, ինչպես նաև ռուս հայտնի փաստաբանների հետ: Հանդիպումից հետո հայտնի է դարձել, որ նա ՌԴ-ից քաղաքական ժամանակավոր ապաստան է խնդրել:
