Ռուսական TASS լրատվական գործակալության փոխանցմամբ՝ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ տեղեկություն չունի արտգործնախարար Սերգեյ Լավրովի՝ Թուրքիա այցի մասին:
Ավելի վաղ Անկարայում Ռուսաստանի դեսպան Անդրեյ Կառլովը հայտարարել էր, որ Լավրովը կարող է Թուրքիա այցելել մինչև տարեվերջ՝ նոյեմբերին կամ դեկտեմբերին:
Զախարովայի խոսքով՝ Ռուսաստանը մտահոգ է Թուրքիայի հարավ-արևելքում տիրող իրավիճակով, որտեղ օգոստոսի 17-18-ին իրավապահ մարմինների աշխատակիցների վրա իրականացվել են մի շարք զինված հարձակումներ, այդ թվում նաև՝ պայթուցիկ սարքերի օգտագործմամբ:
Զախարովան հիշեցրել է Վանում, Բիթլիսում ու Էլյազըղում կատարված հարձակումների մասին: Նա Ռուսաստանի քաղաքացիներին կոչ է արել զերծ մնալ տվյալ նահանգներ այցելելուց:
