ՄԱՀՀԻ փորձագետները` տնտեսագիտության դոկտոր Աշոտ Եղիազարյանը, իրանագետներ Էմմա Բեգիջանյանը և Արմեն Վարդանյանը «ԵՏՄ հարավային ֆլանգ. Կրեմլը ցայտնոտի մեջ» թեմայով այսօր հրավիրված քննարկման ժամանակ ներկայացրին իրենց վերջին հետազոտությունները, որոնք վերաբերում են Եվրասիական տնտեսական միության ապաինտեգրացմանը, նրա հարավային` կովկասյան ուղղությամբ վերջին զագացումներին, Մոսկվա-Բաքու-Թեհրան առանցքով եռակողմ համագործակցության հեռանկարներին, Հայասանի համար դրա պարունակած ռիսկերին, տարածաշրջանային ներկայիս զարգացումների համատեքստում ղարաբաղյան հակամարտության գործոնին:
Իրան-Ադրբեջան-Ռուսաստան ուրվագծվող եռանկյունին. Իրանը կմիանա՞ Հայաստանը շրջափակելու Ադրբեջանի քաղաքականությանը, թե ոչ այս հարցի շուրջ իր դիտարկումները ներկայացրեց իրանագետ Արմեն Վարդանյանը:
Նրա կարծիքով՝ Իրանը այս ծրագիրը կզարգացնի, սակայն զուգահեռաբար իր հարաբերությունները կզարգացնի նաև Հայաստանի հետ, քանի որ Հայաստանի միջազգային մեկուսացումը չի բխում Իրանի շահերից:
Մենք գիտենք, որ Ադրբեջանի և Իրանի հարաբերությունները երկար ժամանակ լարված են եղել, և եթե Հայաստանի միջազգային մեկուսացումը խորանա, դա որոշակիորեն կառաջացնի Իրանի կախվածությունը Ադրբեջանից, ինչը բնականաբար չի բխում Իրանի շահերից»:
Մանրամասները՝ տեսանյութում:
