Բրիտանական OpenSignal ընկերությունը վերլուծել է ամբողջ աշխարհում բջջային կապի վիճակը և ներկայացրել ամենաարագ բջջային համացանցով երկրների վարկանիշը, որը հրապարակվել է ընկերության կայքում՝ opensignal.com-ում։
Կազմակերպության հաշվարկներով՝ 3G և 4G ցանցերում բջջային համացանցի ընդհանուր արագությամբ առաջատարն է Հարավային Կորեան, որին հաջորդում են Սինգապուրը, Հունգարիան, Ավստրալիան և Դանիան։ Տասնյակում ընդգրկվել են նաև Նորվեգիան, Նիդերլանդները, Լիտվան, Ճապոնիան և Շվեդիան։
Վերջին տեղերը՝ 94-րդն ու 95-րդը, համապատասխանաբար զբաղեցնում են Կոստա-Ռիկան և Աֆղանստանը։
Հաշվարկները կատարվել են 2016 թվականի մայիսի 1-ից հուլիսի 23-ը։
