Չնայած այն բանին, որ Հայաստանում պատանդների հետ կապված ճգնաժամը հանդարտվեց, բնակչությունը շարունակում է դժգոհ մնալ երկրի կառավարութունից՝ ասվում է ամերիկյան հեղինակավոր Stratfor վերուծական կենտրոնի հոդվածում։
ՀՀ նախագահ Սերժ Սարգսյանը հուլիսի 17-ի դեպքերից հետո խոստացավ բարեփոխումներ, սակայն մարդիկ թերահավատորեն են վերաբերվում՝ ասվում է հրապարակման մեջ։
«Ժողովրդի դժգոհությունը, դիմակայությունն Ադրբեջանի հետ կշարունակեն ստվեր գցել Հայաստանի կառավարության վրա՝ անկախ նրանից, թե ով կլինի առաջնորդը՝ թողնելով կառավարությանը ներքին և արտաքին քաղաքական հարցերում մանրևի փոքր տարածք»,- ասվում է հրապարակման մեջ։
Շատ հայեր ԼՂ ապրիլյան հակամարտությունն ու դրան հաջորդած բանակցությունները համարում են մեծ հետադիմություն։ Փաստացի այդ հիասթափությունը հուլիսի 17-ին Երևանում ոստիկանական բաժանմունքի գրավման շարժառիթներից մեկն էր։ Խումբը, որը կազմված էր ԼՂ պատերազմի վետերաններից, հայ հասարակության կողմից մեծ աջակցություն ստացավ։
Չնայած այն բանին, որ պատանդային ճգնաժամը հանդարտվեց, ճնշումը Սարգսյանի կառավարության վրա պահպանվում է։
Վերջին ցույցերը վերջին մի քանի տարիներին Հայաստանում կառավարության դեմ տեղ ունեցած խոշոր բողոքի ակցիաների շարքից միայն մեկն էին՝ նշում են հոդվածագիրները։
Հոդվածում նշվում է, որ Հայաստանում սպասվում է կառավարության դեմ ցույցերի թվի աճ, որոնց ընթացքում բացառված չեն նաև բռնի գործողությունները։
«ԼՂ էսկալացիայի, պատանդային ճգնաժամի և վերջին ցույցերի ֆոնին հանրությունը կորցրել է Սարգսյանի իշխանության շարունակման հանդեպ ախորժակը։ Նրա կառավարման դեմ հնարավոր են ավելի շատ ցույցեր, և հավելյալ հարձակումները կամ բռնության դրսևորումները չեն կարող բացառվել»,- գրում է Stratfor-ը։
Լուսանկարը՝ Photolure-ի
