Իսրայելի կառավարությունը հաստատել է օրինագիծը, համաձայն որի՝ ուղղափառ հրեաները պարտավոր են անցնել զինվորական կամ այլընտրանքային ծառայություն: Այս մասին հաղորդում է Euronews-ը:
Չորս տարի հետո Իսրայելի բոլոր քաղաքացիները, որոնց 21 տարին լրացել է, կզինակոչվեն: Բացառություն կկազմեն 1800 մարդ, որոնք զինվորական ծառայությունից կազատվեն յեշիվայում սովորելու համար:
«Մենք այդ փոփոխություններն աստիճանաբար կկիրառենք՝ հաշվի առնելով ուղղափառ համայնքի հատուկ պահանջները»,- հայտարարել է Իսրայելի վարչապետ Բենիամին Նեթանյահուն:
Նրա խոսքով՝ իրենց նպատակն այն է, որ ուղղափառ հրեաները մասնակցեն բանակային կամ քաղաքացիական ծառայությանը, ինչպես նաև ինտեգրվեն աշխատանքի շուկա, ինչը ոչ պակաս կարևոր է:
