«Հարսնաքար» ռեստորանային համալիրի մոտ «Վահե Ավետյան» հասարակական շարժման ներկայացուցիչների կազմակերպած բողոքի ակցիան շարունակվում է: Երբ «Հարսնաքարի» մոտ ակտիվիստների նկատմամբ ոստիկանությունը ուժ կիրառեց, ակիվիստներ Եղիա Նեսիսյանը և Գևորգ Սաֆարյանը կարողացան մոլորեցնել ոստիկաններին և առանձին-առանձին հասնել «Հարսնաքարի» մուտքի մոտ՝ անցկացնելու իրենց բողոքի ակցիան, բայց նրանց պատմելով ոստիկաններն իրենց երկար սպասեցնել չեն տվել, շրջապատել են և բռնի ուժ կիրառելով՝ տեղափոխել համալիրից հեռու:
Ինչպես տեղեկացրեց Գևորգ Սաֆարյանը այստեղ է եղել նաև ակտիվիստ Վարդգես Գասպարին, ում ոստիկանները գցել են գետնին, ապա մեքենայով տեղափոխել համալիրի տարածքից, թե ուր՝ ակտիվիստներն առայժմ չգիտեն:
Այս պահին ակցիան շարունակվում է, ակտիվիստները փորձում են ոստիկաններին բացատրել, որ նրանցից յուրաքանչյուրը կարող է արժանանալ Վահե Ավետյանի ճակատագրին: Նրանց խոսքերով՝ այսօրվա հարսանիքը «քեֆ է ժանտախտի ժամանակ»։
