MatPat վիդեոբլոգերն իր YouTube-յան ալիքում հրապարակել է հոլովակ, որում պատմել է Հռոմի պապ Ֆրանցիսկոսի հետ հանդիպման մասին: Միջոցառման ժամանակ նա պապին նվիրել է Undertale համակարգչային խաղը՝ հայտնում է EuroGamer-ը:
MatPat-ը նշում է, որ հանդիպումը նվիրված է եղել քննարկմանը, թե համացանցն ինչպես կարող է միավորել մարդկանց ամբողջ աշխարհում: Միաժամանակ, միջոցառման բոլոր մասնակիցներին նախօրոք առաջարկել են Պապի համար իրենց հարազատ մշակույթի հետ կապված որևէ նվեր պատրաստել:
Վիդեոբլոգերը նշել է, որ Պապը նվեր է ստացել նաև խաղի Steam-կոդ: Հարցին՝ արդյոք Պապն ակտիվացրե՞լ է այն, Վատիկանում դեռ չեն արձագանքել:
Undertale-ը դերային խաղ է անհատական համակարգչի համար, որը թողարկվել է 2015թ. սեպտեմբերին Steam թվային բաշխման ծառայությունում:
