Մամուլում սենսացիոն տեղեկություն է հայտնվել բրիտանացի պաշտոնյաների ծախսերի վերաբերյալ: Պարզվել է՝ նրանք վերջերս որոշել են Համայնքների պալատում տեղադրված 2 զուգարանի վերանորոգման համար 150 հազար դոլար ծախսել:
Զուգարաններից օգտվում են Լորդերի պալատի ներկայացուցիչներն ու այլ բարձրաստիճան բրիտանացիներ, գրում է The Times-ը:
Ինչպես նշված է պաշտոնական հաշվետվությունում, զուգարանները, որոնք Համայնքների պալատում տեղադրվել են 1937 թ., չեն վերանորոգվել արդեն 20 տարի:
«Այնտեղ տեղադրված սանտեխնիկայի վաղեմության ժամկետը վաղուց լրացել է: Հաշվի առնելով շինության նշանակությունը, որտեղ այն տեղակայված է, այդպես շարունակվել չի կարող: Այդ զուգարանները ստվեր են գցում ամբողջ Վեսթմինսթերյան պալատի վրա»- ասվում է փաստաթղթում:
«Վերանորոգման ընդհանուր արժեքը տատանվում է 136-150 հազար դոլարի սահմաններում»,- ասվում է փաստաթղթում:
