Ռուսական TASS լրատվական գործակալության փոխանցմամբ՝ Իրանի արտգործնախարար Մոհամմադ Ջավադ Զարիֆը հայտարարել է, որ Իրանը «հանգիստ չի ունենա» այնքան ժամանակ, քանի դեռ ամբողջովին չի ոչնչացվել ահաբեկչությունը:
Զարիֆը դատապարտել է Ստամբուլի, Դաքքայի ու Բաղդադի ահաբեկչությունները, որոնց հետևանքով գրանցվել են բազմաթիվ զոհեր: «Մենք չպետք է հանգստանանք և հանգիստ չենք ունենա այնքան ժամանակ, քանի դեռ նրանք, ովքեր կանգնած են այդ ահաբեկչությունների հետևում, և նրանց գաղափարախոսությունը վերջնականապես չի պարտվի»,- ասել է նա:
