Թուրքիայի նկատմամբ Ռուսաստանի կիրառած պատժամիջոցները վերացվում են: Պատժամիջոցների կիրառման ընթացքը, երբ Ռուսաստանի և Թուրքիայի միջև թե’ դիվանագիտական և թե’ տնտեսական հարաբերությոնները սառեցվել էին, քիչ թե շատ բարենապաստ պայմաններ էին ստեղծվել Հայաստանի գյուղատնտեսական ապրանքների, մասնավորապես լոլիկի արտահանման համար:
Ռուսաստանի Դաշնության մաքսային ծառայության տեղեկատվական բազայում առկա տվյալների համաձայն՝ այս տարվա առաջին 4 ամիսների ընթացքում Հայաստանից Ռուսաստան է արտահանվել մոտ 16 հազար տոննա լոլիկ, իսկ ըստ ՀՀ մաքսային ծառայության հրապարակած տվյալների՝ անցած ողջ տարվա ընթացքում ՀՀ-ից Ռուսաստան էր արտահանվել ընդամենը 131 տոննա լոլիկ: Ասել է թե` այս անցած ողջ տարվա համեմատ ընդամենը 4 ամսվա ընթացքում մոտ 120 անգամ ավելի շատ լոլիկ է արտահանվել ՌԴ:
Թուրքիայի նկատմամբ պատժամիջոցների վերացումը, տնտեսագետ Վիլեն Խաչատրյանի դիտարկմամբ, իր բացասական ազդեցությունը կունենա Հայաստանից Ռուսասատան արտահանման ծավալների վրա: Միևնույն ժամանակ տնտեսագետը նկատում է՝ Հայաստանը չկարողացավ օգտվել իրավիճակից և ամրապնդել իր դիրքը rուսական շուկայում:
Պատժամիջոցների կիրառման ժամանակահատվածում ՀՀ գյուղատնտեսության նախարարության հորդորով ավելացվեց ջերմոցային տնտեսությունների քանակը rուսական շուկան քիչ թե շատ բավարարելու համար:
Խոսելով պատժամիջոցների կիրառման ընթացքում Հայաստանի կորցրած հնարավորությունների մասին՝ Խաչատրյանն ընդգծում է, որ Հայաստանը հնարավորությունների լայն դաշտ ունենալ չէր կարող:
Տնտեսագետը նաև նկատում է՝ այս ընթացքում ռուսաստանյան շուկան որոշ դեպքերում ներքին արտադրանքով էր բավարարում շուկան, մինչ 2018 թվականը ռուսաստանյան շուկան կարող է հասնել ինքնաբավության մակարդակի:
Մանրամասները՝ տեսանյութում:
