ԵՄ-ից Մեծ Բրիտանիայի «առանց ցավի բաժանման» ճանապարհին գլխավոր խոչընդոտը Եվրահանձնաժողովի նախագահ Ժան-Կլոդ Յունկերն է: Այս մասին գրում է The Sun-ը՝ հղում անելով իր աղբյուրներին:
Թերթի տեղեկությամբ՝ Յունկերը «վրեժ է լուծում» Brexit-ի համար: Նա բանակցությունները Բրյուսելում վերցրել է իր լիակատար վերահսկողություն տակ և ԵՄ անդամ-բրիտանամետ երկրներին՝ ներառյալ Իռլանդիային, Հունգարիային և Գերմանիային, համոզում է, որպեսզի վերջիններս ոչ մի զիջման չգնան բլոկի կազմից Բրիտանիայի դուրս գալու հարցում:
«Ասում են՝ ԵՄ-ն նույնականություն չունի, բայց հիմա մենք ինչ-որ ընդհանուր բան ունենք՝ բրիտանացիների խնդիրը»,- ասել է անանուն աղբյուրը Եվրահանձնաժողովից:
Պատասխանելով լրագրողի հարցին՝ արդյոք Բրիտանիայի վարչապետ Դևիդ Քեմերոնը որևէ «հրաժեշտի նվեր» կստանա՞, որի ներքո հասկացվում է զիջում բանակցություններում, աղբյուրն ասել է. «Այո, ընթրիք»:
