ԿԺԴՀ-ի զինվորականները սկսել են ավելի կատարելագործված հրետանու տեղադրումը Հարավային Կորեայի հետ սահմանին: Այս մասին հաղորդում է «Ռենհափ» գործակալությունը՝ վկայակոչելով հարավկորեական ռազմական գերատեսչության աղբյուրներին:
Ենթադրվում է, որ Հյուսիսային Կորեան Հարավային Կորեայի հետ սահմանին ունի 3 տարբեր կալիբրների՝ 107, 122 և 240 մմ, համազարկային կրակի ռեակտիվ համակարգ (ՀԿՌՀ):
Աղբյուրի տվյալներով՝ ԿԺԴՀ զինվորականները սկսել են 107 մմ կալիբրի ՀԿՌՀ-ն փոխարինել 240 մմ կալիբր ունեցողով: Նոր համակարգն ունի գործողությունների ընդլայնված շառավիղ՝ 60-70 կմ:
«Մենք արձանագրել ենք, որ Հյուսիսային Կորեան 240 մմ կալիբրի ՀԿՌՀ-ն տեղադրում է հյուսիսային և արևելյան ճակատների մի շարք ռազմական ստորաբաժանումներում»,- նշել է աղբյուրը:
