Գյուղատնտեսական շուկաներում վաճառվող ծիրանի գինը կտրուկ նվազել է, գյուղացիների դիտարկմամբ՝ գնանկման վրա ազդել է նաև այն, որ Վերին Լարսի ճանապարհը շարունակում է փակ մնալ, իսկ գյուղացիների համար այլընտրանքային ճանապարհները հասանելի չեն, թանկ են: Գյուղացիները սրտնեղում են, շուկայում տոննաներով վաճառել չեն կարող, հետո ստիպված են լինելու վերամշակող ընկերություններին հանձնել՝ 250-300 դրամի փոխարեն 70 դրամով:
Գյուղատնտեսության փոխնախարար Ռոբերտ Մակարյանը հակադարձում է գյուղացիներին՝ Վերին Լարսի ճանապարհի փակ լինելը չի կարող գնանկման հիմնական գործոններից լինել: Նրա խոսքով՝ երբ բերքը շատանում է, գինը սկսում է նվազել:
Ռոբերտ Մակարյանը նաև պարզաբանում է, որ «Սպայկա» ընկերության հետ պայմանավորվածություն է ձեռք բերվել, որպեսզի վերջինս լաստանավեր վարձակալի Փոթի նավահանգստից դեպի Նովոռոսիսկ և հակառակ ուղղություններով՝ երկօրյա պարբերականությամբ, նրա հավաստմամբ՝ հունիսի 28-ին Նովոռոսիսկ կհասնի 55 բեռնատար, որոնցից յուրաքանչյուրում 20տ բեռ կա:
Մանրամասները՝ տեսանյութում:
