Իրանական Mehr լրատվական գործակալության փոխանցմամբ՝ Իրանը եռակի մեծացրել է նավթի արտահանման ծավալը՝ պատժամիջոցների ժամանակահատվածի համեմատ:
Իրանը մի շարք կարճաժամկետ պայմանագրեր է ստորագրել եվրոպական Cepsa, Respol և BP նավթային ընկերությունների հետ: Իրանական ազգային նավթային ընկերությունը (NIOC) և իսպանական Repsol-ը համաձայնագիր են ստորագրել ամսական մեկ միլիոն բարել նավթ մատակարարելու մասին:
Այդպիսով Repsol-ը կդառնա Իրանից նավթի իսպանական երկրորդ գնորդը՝ Cepsa-ից հետո: Նոր պայմանագիրը, որը հաջորդեց Cepsa-ի հետ համաձայնագրին, կրկնապատկեց իրանական նավթի արտահանումն Իսպանիա:
Բացի այդ, NIOC-ը նաև պայմանավորվել է բրիտանական BP ընկերության հետ, որի համաձայն՝ ամսական կարտահանվի մեկ միլիոն բարել նավթ:
