Շոտլանդիայի առաջին նախարար Նիկոլա Ստերջենը համարում է, որ այն երկիրը, որի կազմում Շոտլանդիան 2014 թվականի հանրաքվեի արդյունքում որոշեց մնալ, այլևս չկա: Այս մասին հայտնում է RIA Novosti-ն:
«Միացյալ Թագավորությունը, որտեղ Շոտլանդիան որոշեց մնալ 2014 թվականին, այլևս գոյություն չունի: Այնպես որ՝ խոսքը 2014 թվականի հանրաքվեի կրկնության մասին չէ: Կոնտեքստը և հանգամանքները լիովին փոխվել են»,- ասել է Ստերջենը BBC-ին տված հարցազրույցում:
«Այն, ինչ այժմ տեղի կունենա Մեծ Բրիտանիայում, կլինի շատ ցավոտ և կունենա ծանր հետևանքներ: Ես ցանկանում եմ փորձել պաշտպանել Շոտլանդիան դրանից»,- ասել է առաջին նախարարը:
Միևնույն ժամանակ նա ընդգծել է, որ չէր ցանկանա Անգլիայի և Շոտլանդիայի միջև ապագայում հայտնվեր սահման: «Ես բոլորովին չէի ցանկանա, որ հայտնվեր սահման Անգլիայի հետ»,- ասել է նա:
