Բելգիայի դատախազությունը հայտնել է Վերվյե և Թուրնե քաղաքներում ահաբեկչություն կազմակերպելու մեջ կասկածվող երկու մարդու ձերբակալման մասին, հայտնում է BBC-ն:
Ընդ որում, դատախազության մամլո ծառայությունում նշել են, որ վաղաժամ է խոսել հարձակման կանխարգելման մասին:
Չհաստատված տվյալներով՝ տղամարդկանցից մեկը մտադիր է եղել հարձակում կազմակերպել ֆուտբոլի Բելգիայի հավաքականի երկրպագուների վրա` հունիսի 26-ին Եվրո-2016 -ում Հունգարիայի հետ հանդիպման ընթացքում:
Վերվյեի քաղաքապետարանը պլանավորել է Հունգարիայի հետ խաղի հանրային դիտում քաղաքի հրապարակներից մեկում:
