«Ժողովուրդ»-ին հայտնի է դարձել, որ մայիսի 18-ին ՀՀ Արմավիրի մարզի մոտ երկու տասնյակ համայնքներում տեղի ունեցած ուժգին կարկուտից տուժած գյուղացիները փոխհատուցում չեն ստացել:
Անցել է ավելի քան մեկ ամիս, սակայն կառավարությունը նույնիսկ դեռ չի էլ խոստացել, որ կփոխհատուցի: Իսկ գյուղացիները միլիոնների հասնող վնասներ են կրել: Տուժած գյուղերի թվում են Շենավանը, Բերքաշատը, Նալբանդյանը, Ջանֆիդան և այլն:
Թերթը տուժած մի քանի համայնքների ղեկավարներից փորձեց պարզել, թե իրենք ինչ տեղեկություններ ունեն, ի վերջո, կառավարությունը փոխհատուցելո՞ւ է գյուղացիների կրած վնասները, թե՞ ոչ:
Բերքաշատի գյուղապետ Հարություն Չվչյանն ասաց, որ դեռ սպասում են կառավարության պատասխանին:
Շենավանի գյուղապետ Արթուր Մկրտչյանը հայտարարեց, որ փոխհատուցելու են միայն հողի ու ջրի հարկերը. «ուրիշ ոչ մի բան»,-գրում է թերթը:
Մանրամասները՝ թերթի այսօրվա համարում:
