Ապրիլյան պատերազմը վերջնականապես փաստեց իշխանությունների դավաճան լինելը՝ ցույց տալով, որ նրանց համար ոչ մի արժեք չունեն, ոչ կորցրած հայրենի տարածքները, ոչ էլ այդ տարածքների համար զոհված զինվորների կյանքը:
Միևնույն ժամանակ դավաճան իշխանությունները հայ ժողովրդից թաքցնելով կորսված տարածքների իրական չափը՝ ներկայացրեցին անհեթեթ թվեր՝ ընդամենը մի քանի հարյուր մետր:
Տևական ժամանակ հետո ռազմական և ազգային նշանավոր գործիչ Ժիրայր Սեֆիլյանը նշեց կորուստների իրական չափը՝ 700 հա տարածք: Այնուհետև սերժ սարգսյանը ստիպողաբար հաստատեց այդ իրողությունը, հայտարարելով՝ որ ցանկացողները իրենք կարող են գնալ վերցնել դրանք:
Նետված մարտահրավերը վերցրեց Ժիրայր Սեֆիլյանը, պատրաստակամություն հայտնելով հարյուրավոր կամավորագրվածների հետ ազատագրել կորցրածը:
Ռեժիմի պարագլուխը նպատակ ունենալով շարունակելու Արցախի որոշ շրջաններ մաս-մաս հանձնելու գործընթացը ցուցում տվեց ձերբակալել դրան արմատապես դիմակայող Սեֆիլյանին:
Պետական այս դավաճանությունը և դավադրությունը կանխելու նպատակով, հանրային քննարկման արդյունքում որոշվեց պարբերաբար անցկացնել իրազեկման երթեր, բոլորին հասցնելու ուղերձ՝ հայրենի տարածքները և դրանց նվիրյալ հերոսին պաշտպան կանգնելու վերաբերյալ, և համախմբել բոլորին ազգային աղետը կանխելու նպատակով:
Առաջին երթը կանցկացվի հունիսի 23-ին ժամը 18:00-ին Ազատության հրապարակից:
