Ամերիկայի գավաթի խաղարկությունում մնացել է ընդամենը մեկ հանդիպում: Եզրափակիչի առաջին մասնակից Արգենտինայի հավաքականը սպասում էր իր մրցակցին: Երկրորդ կիսաեզրափակիչը` Կոլումբիայի և Չիլիյի հավաքականների միջև, ավարտվել է Չիլիի հավաքականի հաղթանակով` 2։0:
Հանդիպման մեկնարկը ամբողությամբ Չիլիի հավաքականի օգտին է դասավորվել: Խաղի հենց սկզբում Չիլին 2 գնդակ է ուղարկել Կոլումբիայի դարպասը: Հանդիպման հաշիվը արդեն 7-րդ րոպեին բացել է Չարլեզ Արանգիսը:
Կոլումբիան ուշքի գալ չհասցրած՝ արդեն 11-րդ րոպեին աչքի է ընկել Խոսե Ֆուենասալիդան: Կուլումբիան հետագայում չի կարողացել ոչինչ անել, և խաղը այդպես էլ ավարտվել է: Կոլումբիայի հավաքականի կազմում 57-րդ րոպեին կարմիր քարտի է արժանացել Կառլոս Սանչեսը: Չիլիի հավաքականը եզրափակիչում կխաղա Արգենտինայի ընտրանու հետ:
