Բրիտանական ոստիկանությունը լրտեսում է շուրջ 9000 մարդու, որոնք գտնվում են Մեծ Բրիտանիայի տարածքում և կասկածվում են ծայրահեղականության մեջ: Ընդ որում, այդ մարդկանցից շատերը ոչ մի հանցագործության մեջ ներգրավված չեն: Այս մասին հաղորդում է The Guardian-ը՝ վկայակոչելով ոստիկանության իր աղբյուրներին:
Կասկածյալները ներառված են տվյալների հատուկ բազայում: Դրանում ընդհանուր առմամբ հաշվառված է 8931 մարդ, որոնցից յուրաքանչյուրը տվյալների բազայում ունի սեփական գործը: Հսկողությամբ զբաղվում է ծայրահեղականության դեմ պայքարի ոստիկանության ստորաբաժանումը:
Ոստիկանությունը լրտեսում է ամենատարբեր ակտիվիստների: Բրիտանական պարբերականը ոստիկանության ստորաբաժանման աշխատանքի մասին տվյալներ է հրապարակել նրանց աշխատանքի դեմ քննադատության նոր ալիքի կապակցությամբ: Սկանդալը ծագել է այն բանից հետո, երբ ստորաբաժանման աշխատակիցներից մեկը պատմել է ոստիկանությունում կիրառվող մեթոդների մասին:
