Ռուսական RIA Novosti լրատվական գործակալության փոխանցմամբ՝ Ռուսաստանի էներգետիկայի նախարար լրագրողների հետ զրույցում հայտարարել է, որ Ռուսաստանը մտադիր չէ խողովակաշար անցկացնել Սև ծովի հատակով՝ չունենալով երաշխիքներ, որ այդ ենթակառուցվածը կլինի պահանջարկված:
«Նախագահը (Վլադիմիր Պուտին) հստակ պատասխանել է այդ հարցին, ես կարող եմ միայն կրկնել նրա խոսքերը: Մենք մշտական շփման, երկխոսության մեջ ենք: Մենք քննարկում ենք այդ գործընթացները, մենք շահագրգռված ենք Եվրոպայի հարավարևելյան հատված գազի մատակարարումների մեջ: Սակայն այդ նախագծերի իրագործումն առաջին հեթին կախված կլինի Եվրոպական հանձնաժողովի համապատասխան որոշումից:
Այստեղ անհրաժեշտ են երաշխիքներ, ոչ ոք Սև ծովի հատակով չի անցկացնի խողովակաշար՝ չունենալով երաշխիքներ, այդ ենթակառուցվածքը կլինի պահանջարկված: Կարծում եմ, որ մենք պատրաստ ենք դիտարկել բոլոր տարբերակները, միայն թե նրանք լինեն փոխշահավետ»,- ասել է Ռուսաստանի էներգետիկայի նախարարը:
