Այս տարի կանանց ժամացույցները իրականացրել են որակական ու քանակական ցատկ: Այդ հավաքածուների թիվը շուտով կհավասարվի տղամարդկանց հավաքածուին՝ հայտնում է style.rbc.ru-ն:
Ժամացույցների պատմության մեջ առաջին անգամ Բազելի ցուցադրության ժամանակ Rolex-ը ներկայացրեց տղամարդկանց ու կանանց ժամացույցների նույն քանակություն: Իսկ Patek Philippe-ի մոտ կանանց ժամացույցները գերակշռում էին:
Ոչ պակաս հմայիչ է Blancpain Chronograph Large Date-ն:
Կանանց նոր հավաքածու է ներկայացրել Glashutte Original-ը՝ Swatch Group-ի գերմանական ապրանքանիշը:
Swatch Group-ը ներկայացրել է իր համաշխարհային բեսթսելլերի՝ La Grande Classique de Longines 100 Diamonds-ի նոր տարատեսակը:
Անսովոր նրբությամբ է առանձնանում Patek Philippe-ի գլխավոր նորույթը՝ ուլտրաբարակ Calatrava Ref 7121-ը: 33 մմ-անոց կորպուսը պատրաստված է դեղին ոսկուց ու զարդարված է 66 ադամանդով:
Բազելի մյուս մասնակիցների շարքում հատկապես մեծ ուշադրության է արժանանում ֆրանսիական նորաձևության տների՝ Hermes-ի, Dior-ի ու Chanel-ի արտադրանքը:
Հայտնի վարպետ Ժան-Մարկ Վիդերեխտը կանանց համար ստեղծել է Hermes Arceau Le Temps Suspendu միստիկական ժամացույցներ:
Chanel նորաձևության տունը Բազելի ցուցահանդեսում իր դեբյուտը տոնել է կերամիկական ժամացույցների մի քանի մոդելներով ու Premier ժամացույցների նորացված տարբերակով, որը հիշեցնում է Փարիզի Վանդոմի հրապարակը: Այն օրիգինալ ոսկե թևնոց է՝ զարդարված ադամանդներով:
Dior նորաձևության տունը ներկայացրել է ինչպես տղամարդկանց, այնպես էլ կանանց տարատեսակ հավաքածու:
Կանացի ժամացույցներից առավել հետաքրքիր էր Dior VIII Grand Bal Resille Cera Noire-ը՝ 33 միլիմետրանոց կերամիկական կորպուսով:
