«Լիվերպուլ»-ի նախկին պաշտպան Դանիել Ագերը հայտարարել է մարզական կարիերայի ավարտի մասին։ Այդ մասին ֆուտբոլիստը գրել է իր թվիթերյան էջում։
Պաշտպանի վերջին ակումբը «Բրոնբյու»-ն էր, որտեղ նա սկսել է իր պրոֆեսիոնալ կարիերան։ 31-ամյա պաշտպանը եղել է նաև Դանիայի հավաքականի ավագը, որի կազմում անցկացրած 84 խաղում խփել է 8 գոլ։
«Շնորհակալ եմ աջակցության համար։ Գերազանց փորձ էր։ Շատ եմ տխրել, բայց կարիերայի ավարտի մասին որոշումը ճիշտ է։ Հպարտանում եմ իմ կարիերայով»,- գրել է Ագերը։






































