Թուրք ուժայինները 2015թ. հուլիսից ոչնչացրել են «Քրդստանի աշխատավորական» կուսակցության (PKK) 7600 անդամի՝ հայտարարել է Թուրքիայի նախագահ Ռեջեփ Թայիփ Էրդողանը քուրդ ապստամբների հետ բախումներում զոհված ուժայինների ընտանիքների անդամների առաջ ելույթի ժամանակ: Հեռարձակումը վարել է NTV հեռուստաալիքը:
2015թ. հուլիսին Թուրքիայում PKK-ի հետ զինված հակամարտության վերսկսումից հետո քուրդ ապստամբների դեմ բախումներում զոհվել են ավելի քան 480 զինվորական և ոստիկան: Սակայն քրդամետ «Ժողովուրդների դեմոկրատական» կուսակցության ներկայացուցիչները պնդում են, որ հակաահաբեկչական գործողության ընթացքում հարյուրավոր խաղաղ բնակիչներ են զոհվել:
«Մեր անվտանգության ուժերը հուլիսի 20-ից երկրի ներսում և դրա սահմաններից դուրս ոչնչացրել են 7600 ահաբեկչի: Անջատողական ահաբեկչական կազմակերպությունը (PKK) կրել է խոշորագույն պարտությունն իր պատմության մեջ»,- ասել է Էրդողանը:
