ԱՊՀ կառավարությունների ղեկավարները նիստի արդյունքներով փաստաթղթերի փաթեթ են ստորագրել տնտեսության, զինված ուժերի և հումանիտար համագործակցության ոլորտներում: Հանդիպման մասնակիցները ընդհանուր 21 փաստաթուղթ են հաստատել, հայտնում է RIA Nօvosti-ն:
Մասնավորապես, պատվիրակությունների ղեկավարները ստորագրել են ազատ առևտրի գոտու մասին 2011 թ. հոկտեմբերի 18-ի պայմանագրի անդամ պետությունների միջև պետական գնումների կարգավորման գործընթացների և կանոնների մասին արձանագրությունը, նաև հաստատվել է ագրոկենսաբազմազանության պահպանման մասին կոնվենցիան:
Բացի դրանից՝ որոշում է ընդունվել ռազմական չափագիտության և զինված ուժերի չափագիտական ապահովման խնդիրների ուսումնասիրության ոլորտում բազային կազմակերպության մասին: Եվս մեկ որոշում վերաբերում է զինված ուժերի համար ականազերծման ոլորտում պատրաստության հարցերով ԱՊՀ անդամ-պետությունների բազային կազմակերպությանը:
Կողմերը նաև համաձայնագիր են ստորագրել էլեկտրաէներգետիկայի ոլորտում փոխգործակցության, ռադիոակտիվ աղբյուրների տեղափոխման հարցերով տեղեկատվական փոխգործակցության մասին:
Ստորագրված մի շարք փաստաթղթեր վերաբերում են առողջապահության ոլորտին:
Կողմերը նաև ԱՊՀ անդամ երկրներում 2020 թ. բնակչության մարդահամարի անցկացման, երիտասարդության հետ աշխատանքի և Եերիտասարդական ձեռնարկատիրության զարգացման վերաբերյալ փաստաթղթեր են ստորագրել:
