ԴԱԻՇ ահաբեկչական խմբավորման հիասթափված գրոհայինները, որոնք ծագումով Արևմուտքի երկրներից են, գնալով ավելի հաճախ են օգնություն խնդրում Իրաքից և Սիրիայից՝ հայրենիք վերադառնալու համար։ Այս մասին գրում է The Wall Street Journal-ը՝ հղում անելով դիվանագետներին։
Ինչպես գրում է պարբերականը՝ մեծ մասամբ դա կարող է պայմանավորված լինել այն բանով, որ գրոհայինները կորցնում են վերահսկողությունը տարածքների նկատմամբ։
Դիվանագիտական տվյալների համաձայն՝ արևմտյան 6 երկրների մոտ 150 քաղաքացիներ խնդրել են օգնել վերադարձի հարցում։ Այդ պետությունների հավաքագրված ներկայացուցիչների հստակ թիվը հայտնի չէ, սակայն հաղորդվում է արդեն վերադարձած մի քանի հարյուր գրոհայինների մասին։
Պարբերականը նշում է, որ նման խնդրանքները որոշակի խնդիրներ են ստեղծում Արևմուտքի համար։ Հատուկ ծառայությունները ստիված են լինում անցկացնել փախստականների վերաբերյալ մանրակրկիտ ստուգում՝ համոզվելու համար, որ նրանք իսկապես զղջում են և սպառնալիք չեն ներկայացնում Եվրոպայի անվտանգության համար:
