Ամռան այս շոգ օրերին հասարակական տրանսպորտի ուղևորներին իսկական նվեր են մատուցել Չեխիայի Բրնո քաղաքի իշխանությունները: Չեխիայում առաջին անգամ այնտեղ գիծ է դուրս եկել տրամվայ, որում տեղակայվել է բար: Ցանկացողներին առաջարկվում է ուղևորության ընթացքում վայելել տեղական արտադրության երեք տեսակի գարեջուր: Այս մասին հայտնում է ITAR-TASS-ը:
Հարմարավետության համար ուղևորների նստարաններին կից մոնտաժվել են պլաստմասսե հենակներ, որպեսզի մարդիկ ողջ ընթացքում բաժակն իրենց ձեռքը չպահեն: Տրամվայի բաքերում պարունակվում է 120 լիտր գարեջուր: Ուղևորներին գարեջրի հետ առաջարկվում է նաև երշիկով սենդվիչ ու կետչուպ:
Գարեջրային նախաձեռնությունը գործարկվել է փորձնական ռեժիմով՝ երեք ամսով: Եթե նախաձեռնությունը դուր գա քաղաքացիներին, ապա «գարեջրային» տրամվայները կդառնան սովորական տրանսպորտային միջոց:
