Հյուսիսային Իրաքի քրդական ինքնավարությունը կսկսի գազ արտահանել Թուրքիա 2016թ.: Ինչպես հաղորդում է Hurriyet-ը, այս մասին հայտարարել է ինքնավարության բնական ռեսուրսների նախարար Աշտի Հաֆրամին:
Հաղորդվում է, որ մատակարարվող գազի գինը հավասար կլինի ռուսական գազի գնի կեսին, որն արտահանվում է Թուրքիա: Առաջին փուլում ինքնավարությունը մտադիր է Թուրքիա արտահանել 10 միլիարդ խ/մ գազ:
Նախարարը նաև նշել է, որ նավթի արտահանումը գազամուղով կսկսվի այս տարվա սեպտեմբերից: Նրա խոսքերով՝ Քրդական ինքնավարության հանքավայրում կստեղծվի թուրքական նոր ընկերություն՝ մասնավոր սեկտորի և արտասահմանցի ներդրողների մասնակցությամբ:
