Թուրքական Anadolu լրատվական գործակալության փոխանցմամբ՝ Թուրքական համագործակցության ու համակարգման գործակալությունը (TİKA) Մոնղոլիայի մայրաքաղաք Ուլան Բատորից 60 կիլոմետր հեռավորության վրա ընկած հովտում փնտրում է թյուրքական պատմության հետքեր։
Այդ մասին հայտարարել է TİKA-ի՝ Ուլան Բատորի ծրագրերի համակարգող Վեյսել Չիֆթչին։ 2016 թվականի հունիսի 1-ից պեղումներ են սկսվելու թուրք և մոնղոլ հնագետների կողմից։
Չիֆթչին հիշեցրել է, որ Ռեջեփ Էրդողանը Թուրքիայի վարչապետ եղած ժամանակ այցելել է տվյալ հովիտ, որի տարածքը կազմում է 66 քառակուսի կիլոմետր։ Նա կարծիք է հայտնել, որ հայտնաբերված անտիկ իրերը կցուցադրվեն ցուցահանդեսում, ինչն իր հերթին ներդրում կունենա Մոնղոլիայի զբոսաշրջային ոլորտում։
