Սիրիական հակամարտության հինգ տարիներին զոհերի թիվը գերազանցել է 280 հազարը: Այս մասին հայտնում է Le Figaro-ն՝ վկայակոչելով Մարդու իրավունքների սիրիական դիտարանի տվյալները:
Զոհերի ստույգ թիվը կազմում է 282.283, նրանցից մոտ 81.500-ը քաղաքացիական անձինք են, այդ թվում՝ ավելի քան 14 հազար երեխա: Փաստաթղթի տվյալներով՝ նույն ժամանակահատվածում երկրում ոչնչացվել է 48.500 գրոհային: Սիրիական բանակը, աշխարհազորայիններն ու անվտանգության ուժերը կորցրել են ավելի քան 100 հազար մարդ:
Ապրիլի 30-ին իրավապաշտպանները տվյալներ են հրապարակել գրոհայինների կողմից մահապատժի ենթարկված քաղաքացիական անձանց թվի մասին: Նրանց գնահատմամբ՝ երկու տարում ահաբեկիչները սպանել են ավելի քան 4 հազար մարդու:
