Բրիտանացի ռոք երգիչ, երգերի հեղինակ և մուլտիգործիքավորող Ջեյմս Փոլ Մաքքարթնին ծնվել է 1942թ. հունիսի 18-ին՝ Լիվերպուլում: Նա Ջոն Լենոնի հետ համարվում է The Beatles լեգենդար խմբի հիմնադիրներից մեկը՝ հայտնում է Calend.ru-ն:
Իր առաջին համերգը խումբը նվագել է 1961թ. մարտի 21-ին՝ Լիվերպուլի The Cavern ակումբում: 1963թ. փետրվարի 11-ին լույս տեսավ առաջին Please Please Me ալբոմը:
«Բիթլզի» փլուզումից հետո Մաքքարթնին հիմնել է Wings խումբը, որը գոյատևեց մինչև 1979թ.: Նա «Գինեսի» ռեկորդների գրքում գրանցվել է որպես բոլոր ժամանակների ու ժողովուրդների «ամենաակնառու» երաժիշտ:
Wingsի փլուզումից հետո նա սկսեց հանդես գալ մենակ:
Մաքքարթնին հայտնի է որպես կենդանիների իրավունքների համար պայքարող ու բուսակերության կողմնակից: Նա մասնակցում է շատ բարեգործական համերգների:
Նրա ձայնասկավառակներից 60-ն ունեն «ոսկե » կարգավիճակ, սինգլների ընդհանուր տպաքանակը գերազանցել է 100 մլն օրինակը, իսկ Yesterday-ը առաջին տեղում է՝ քավեր տարբերակներով:
Երգիչն ազատ ժամանակ զբաղվում է գեղանկարչությամբ, նաև հաջողակ բիզնեսմեն է:
Մաքքարթնին համարվում է Եվրոպայի 3-րդ հարուստ մարդը:
