Սաուդյան Արաբիայում կորոնավիրուսից մահացածների թիվը հասել է 32 մարդու: Ինչպես այսօր հայտնել է թագավորության առողջապահության նախարարությունը, հիվանդության հետևանքով մահացել է ևս 4 մարդ: Այս մասին տեղեկացնում է ITAR-TASS-ը:
Ներկայում երկրում արդեն գրանցվել է մերձավորարևելյան կորոնավիրուսով (MERS-CoV) հիվանդացության 49 դեպք, երբ վտանգավոր հիվանդությունը հաստատվեց թագավորության ևս 3 հպատակների մոտ:
Առավել մեծ թվով վարակվածներ կան Արևելյան նահանգում: Նոր կորոնավիրուսը, որն ավելի վաղ չէր հայտնաբերվել մարդկանց մոտ, առաջին անգամ հայտնաբերվել է 2012թ. մայիսի կեսին Սաուդյան Արաբիայում, որն առաջատարն է հիվանդացության ու մահացության ցուցանիշով:
Երկրում ներկայում հիվանդության հետագա տարածումը կանխարգելելու համար իշխանությունները մի շարք միջոցառումներ են ձեռնարկում:
Ներկայում աշխարհում լաբորատոր եղանակով հաստատվել է հիվանդության մոտ 60 դեպք, որոնք նկատվել են նաև Ֆրանսիայում, Գերմանիայում, Հորդանանում ու Մեծ Բրիտանիայում:
