Շվեյցարիայի Լոզան քաղաքի դաշնային պելիտեխնիկական դպրոցի բիոռոբոտատեխնիկայի լաբորատորիայի գիտնականները ստեղծել են չորքոտանի քայլող ռոբոտ, որը քայլելիս նմանակում է կատվին: Ռոբոտի մասին պատմում է International Journal of Robotics Research-ի հունիսյան համարը:
Cheetah-Cub ռոբոտի յուրաքանչյուր վերջույթ բաղկացած է 3 մասից, որոնք միանալով իրար՝ ստեղծում են կատվի քայլքի տպավորություն:
Ռոբոտը չունի «գլուխ», «պոչի» տեղում, ինչպես երևում է Cheetah-Cub-ին նվիրված տեսանյութից, լար է:
Ռոբոտի առավելություններն են փոքր քաշը (1 կգ), անհարթ մակերեսով քայլելու ունակությունը և բարձր արագությունը:
EPFL-ի հաղորդագրության մեջ նշվում է, որ Cheetah-Cub-ը ամենաարագ շարժվող ռոբոտն է 13 կգ-ից ծանր քաշ ունեցող ռոբոտների շարքում:
Ռոբոտի վրա բոլոր աշխատանքներն ավարտելուց հետո Cheetah-Cub-ը կարող է օգտագործվել հետազոտական նախագծերում ու փրկարարական առաքելություններում: