Անգլիական «Լիվերպուլ»-ը շուտով պաշտոնապես կհայտարարի Հայաստանի ազգային հավաքականի կիսապաշտպան Հենրիխ Մխիթարյանի տրանսֆերի ձեռքբերման մասին: Այդ մասին տեղեկացնում է The Telegraph-ը:
Պարբերականի տեղեկություններով՝ «Լիվերպուլ»-ը Դոնեցկի «Շախտյոր»-ին կվճարի Մխիթարյանի պայմանագրում նշված հրաժարագինը՝ 20 մլն ֆունտ (23.5 մլն եվրո): Համաձայնագրի ստորագրման մասին կհայտարարվի առաջիկա 48 ժամերի ընթացքում:
Նշվում է, որ Մխիթարյանի տեղափոխության համար պայքարում էր նաև Դորտմունդի «Բորուսիա»-ն:
Հիշեցնենք, որ Մխիթարյանն արդյունավետության ռեկորդ սահմանեց՝ Ուկրաինայի Պրեմիեր Լիգայի 2012/13թթ մրցաշրջանում հեղինակելով 25 գոլ:
