Google ընկերության ինժեներները Նոր Զելանդիայում սկսել են առաջին փորձարկումները Project Loon-ի շրջանակներում: Նախագիծը համացանցի մատչում է տրամադրում փուչիկների օգնությամբ: Քրայսթչերչ քաղաքի շրջակայքում օդ է բարձրացվել հելիումով լցված 30 փուչիկ, հաղորդում է ITAR-TASS-ը:
Առաջին փուլի ժամանակ փորձարկման շուրջ 50 մասնակից կարողացել է հաջողությամբ միանալ համացանցին: Նրանց տներում տեղադրված հատուկ ալեհավաքները, փուչիկներից ազդանշանը ստացել են 3G տեխնոլոգիայով:
Ապագայում նախատեսվում է նման փորձարկումներ անցկացնել Ավստրալիայում և Արգենտինայում:
Ընկերության ներկայացուցիչներըը կարծում են, որ նոր տեխնոլոգիան կարող է կիրառվել նախևառաջ աղետից տուժած շրջաններում` կապի արագ վերականգնման համար:
Google-ի ինժեներները հայտարարում են, որ իրենց փուչիկներն օդի մեջ կարող են մնալ մինչև 100 օր:
