Այսօր Ազատություն հրապարակում «Նախախորհրդարան» քաղաքացիական նախաձեռնության հրավիրած հանդիպում-քննարկման ժամանակ «Նախախորհրդարանի» անդամները ներկայացրել են իրենց առաջիկա քայլերը:
«Իշխանությունները վերարտադրվում են, և ամեն անգամ վերարտադրվելուց հետո իրավիճակը ավելի ու ավելի է վատանում»,-նշել է ազգագրագետ Հրանուշ Խառատյանը և ավելացրել, որ օր չկա, որ իրեն չմոտենան մարդիկ և չհարցնեն, թե՝ դուք չե՞ք վախենում:
«Այո, վախենում եմ իմ կյանքի, իմ ընտանիքի համար: Բայց այսպես վախենալով ապրել այլևս պետք չէ: Երբ մի քաղաքական ուժ մոնոպոլիզացնում են, դրանից լավ ակնկալիքներ չեն կարող լինել: Մենք մեր երկրում ապրելու փոխարեն գերադասում ենք աքսորը, սա է մեր քսան տարվա ձեռքբերումը»,- ասել է Հրանուշ Խառատյանը:
Ազգագրագետի խոսքերով՝ այս երկու շաբաթվա ընթացքում արձանագրված կարևոր իրադարձություններից է Սյունիքի մարզում հնչած կրակոցները, որը Հայաստանում առկա անպատժելիության մթնոլորտի հետևանքն է:
Հրանուշ Խառատյանի ելույթն ամբողջությամբ դիտեք տեսանյութում: