ԱՄՆ-ում շարունակվում է նախագահական ընտրապայքարը։ The Wall Street Journal-ի փոխանցմամբ՝ Ուոլ Սթրիթի ֆինանսական կորպորացիաները Դեմոկրատական կուսակցությունից ԱՄՆ նախագահի պաշտոնի համար պայքարող նախկին պետքարտուղար Հիլարի Քլինթոնի նախընտրական արշավում ներդրել են ավելի քան 4.2 մլն դոլար, որից 344 հազար դոլարը Քլինթոնը ստացել է միայն 2016 թվականի մարտին։
Պարբերականի տվյալներով՝ նախկին պետքարտուղարը մարտին Ուոլ Սթրիթի կողմից ստացել է 53 տոկոս ֆինանսական օգնություն՝ անցած տարվա 32 տոկոսի և հունվար-փետրվարի 33 տոկոսի համեմատ։
Նշվում է, որ Քլինթոնի նախընտրական արշավում ֆինանսական ներդրումների նման աճը կապված է Հանրապետական կուսակցությունից բոլոր թեկնածուների դուրս գալու հետ, բացի Թրամփից։ Ուոլ Սթրիթի շատ դոնորներ հրաժարվում են աջակցել Թրամփին։
