Կոռուպցիան մարդկության զարգացման թշնամին է, և դրա դեմ պայքարը ավելի նպատակային և բաց գործողություններ է պահանջում: Այդ մասին հայտարարել է Մեծ Բրիտանիայի վարչապետ Դևիդ Քեմերոնը Լոնդոնում մայիսի 12-ին կայանալիք հակակոռուպցիոն գագաթնաժողովին ընդառաջ, գրում է tass.ru-ն:
«Կոռուպցիան մարդկության առաջընթացի թշնամին է և համաշխարհային խնդիրների մեծ մասի արմատը: Այն աշխատատեղեր է վերացնում և խոչընդոտում տնտեսական աճին, խաթարում է մեր անվտանգությունը՝ ստիպելով մարդկանց հարել ծայրահեղական խմբավորումներին»,- ասել է նա:
Նրա խոսքերով՝ չափազանց երկար ժամանակ է տաբու եղել այդ խնդրի բացահայտ լուծման վրա: Գագաթնաժողովը դա կփոխի: Միասին պետք է կոռուպցիայի դեմ պայքարը դարձնել համաշխարհային օրակարգի հարցերից ամենաառաջնայինը:
Ծրագրվում է գագաթնաժողովի ժամանակ քննարկել միջազգային հակակոռուպցիոն համագործակցությանը վերաբերող կարևոր հարցերը, այդ թվում՝ գողացված ակտիվների վերադարձի խնդիրը, պետական գնումների և ֆինանսական թափանցիկության հարցերը:
