Ամերիկյան երաժշտական Billboard ամսագիրը հրապարակել է 40 երաժիշտներից ու երաժշտական խմբերից կազմված ցուցակ, որոնք ամենից շատ են գումար աշխատել 2015 թվականին։ Առաջին տեղում երգչուհի Թեյլոր Սվիֆթն է, որի եկամուտը կազմել է 73.5 մլն դոլար։
Ցուցակում երկրորդը քանթրի-երգիչ Քեննի Չեսնին է, ով ստացել է 39.8 մլն դոլար։ Երրորդում բրիտանական The Rolling Stones խումբն է՝ 39.6 մլն դոլար եկամուտով։ Առաջին տասնյակում են ընդգրկվել նաև Բիլլի Ջոելը (31,7 մլն), One Direction-ը (24,2 մլն), U2-ը (21,8 մլն) և Ադելը (20,5 մլն)։
Արտիստների եկամտի հիմնական աղբյուրը, որպես կանոն, համերգերն են։ Թեյլոր Սվիֆթը հյուրախաղերից աշխատել է 61.7 մլն դոլար, ալբոմների վաճառքից՝ 7.2 մլն դոլար։ 4.1 լն դոլար կազմել են նրա երաժշտության օգտագործման դիմաց կատարված վճարները։ Ադելը 2015-ին համերգներ չի ունեցել և ավելի քան 16 մլն դոլարն աշխատել է միայն իր ալբոմի վաճառքից։
Մադոննան 14-րդ տեղում է՝ 12.7 մլն դոլար եկամուտով։
