ԱՄՆ-ում օգտատերերի էլեկտրոնային տվյալները ստուգելու վերաբերյալ գաղտնի տեղեկության տարածող Էդուարդ Սնոուդենին գործատուն հեռացրել է աշխատանքից: Նա աշխատում էր ամերիկյան խոշոր ընկերություններից մեկում՝ Buz, Alen, Hemilton-ում: Այս մասին հաղորդագրությունը տարածել է վերոնշյալ ընկերությունը:
Փաստաթղթում նշվում է, որ 29-ամյա Սնոուդենի հետ պայմանագիրը չեղյալ է հայտարարվել երկուշաբթի օրը: Դրա համար հիմք են ծառայել «վարքագծի նորմերի կոդեքսի և ֆիրմայի կանոնադրության խախտումը» Սնոուդենի կողմից: Նշվում է նաև, որ նա ընկներության համար աշխատել է «3 ամսից պակաս», նրա աշխատավայրը Հավայան կղզիներն էին: Ընկերությունը խոստանում է «սերտորեն համագործակցել հաճախորդների և իշխանությունների հետ՝ տվյալ գործի հետաքննության հարցում», այսինքն՝ պարզել Սնոուդենի՝ գաղտնի տեղեկությունները գաղտնազերծելու հանգամանքները, որն իրականացնում է ԱՄՆ ազգային անվտանգության գործակալությունը:
Հավելենք, որ Պենտագոնին ենթակա այս գերատեսչությունը զբաղվում է ռադիոէլեկտրոնային հետախուզմամբ:
