Չինական Xintong Tiandi Technology ընկերությունը, որը զբաղվում է iPhone բրենդի ներքո պայուսակների, հեռախոսների պատյանների և այլ կաշվե իրերի վաճառքով, շահել է Apple ընկերության դեմ դատական վեճը։ Այս մասին հայտնում է BBC-ն։
Չինական ընկերության օգտին որոշումն ընդունել է Պեկինի մունիցիպալ ժողովրդական դատարանը։
Սմարթֆոն արտադրողը ձգտում էր հասնել չինական ընկերության կողմից iPhone ապրանքանիշի կիրառման արգելքի։ Ապրանքանիշը գրանցվել է Չինաստանում 2010 թվականին։
Apple-ը դատական գործընթաց էր նախաձեռնել դեռևս 2012 թվականին, սակայն ցածր ատյանի դատարանը երկու անգամ մերժել էր նրան հայցի բավարարման հարցում։
Բարձրագույն ատյանի դատարանի վճռում ասվում է, որ հայցվորը չի կարող ապացուցել, որ 2007 թվականին, երբ Xintong Tiandi-ն ներկայացրել է ապրանքանիշի հայտ, iPhone-ը եղել է Չինաստանում հայտնի բրենդ։
Apple-ի սմարթֆոնները Չինաստանում առաջին անգամ վաճառքի են հանվել 2009 թվականին։
