ԱՄՆ Դեթրոյթ քաղաքի դատարանը մերժել է ամերիկյան General Motors-ի դեմ շվեդական Saab-ի նախկին սեփականատիրոջ՝ Spyker հոլանդական ընկերության 3 միլիարդ դոլարի հայցը: Այս մասին հայտնում է Gazeta.ru-ն՝ հղում անելով շվեդական ТТ գործակալությանը:
Spyker-ի ղեկավար Վիկտոր Մյուլերը հաշվել է, որ ամերիկյան կորպորացիան, որից հոլանդացիները ձեռք են բերել Saab-ը, եվրոպական ավտոհսկային հատուկ է հասցրել սնանկության:
Խոսքն այն մասին է, որ շվեդական ավտոարտադրողի տեխնոլոգիական լիցենզիաներն իր տրամադրության տակ ունենալով՝ General Motors-ը թույլ չի տվել չինացի ներդրող Youngman-ին և այլ հետաքրքրված ներդրողների գնել ընկերությունը, որն արդեն հայտնվել էր կործանման եզրին:
Դատավորը կարծում է, որ GM-ի գործողությունները չեն հակասում օրենքին:
Spyker-ում հայտարարել են, որ ընկերությունը ծրագրում է բողոքարկել վճիռը:
