ԱՄՆ պետքարտուղար Ջոն Քերին Վրաստանի վարչապետ Բիձինա Իվանիշվիլիի հետ հեռախոսազրույցի ընթացքում հույս է հայտնել, որ Վրաստանը կանդամակցի ՆԱՏՕ-ին, հաղորդում է Interfax-ը:
«Հեռախոսազրույցի ընթացքում Ջոն Քերին հույս է հայտնել, որ Վրաստանը կշարունակի Եվրատլանտյան տարածությանն ինտեգրվելու իր ձգտումը և կդառնա ՆԱՏՕ-ի լիիրավ անդամ» ,- հաղորդել է Վրաստանի կառավարության մամլո ծառայությունը:
Քերին նաև ցավակցել է վրացի ժողովրդին հունիսի 6-ին Աֆղանստանում զոհված 7 զինծառայողների համար:
«Պետքարտուղարը հույս է հայտնել, որ մոտակա ժամանակներս հնարավոր է առերես հանդիպի վարչապետ Իվանիշվիլիի հետ և նրա հետ քննարկի ԱՄՆ-ի և Վրաստանի միջև ռազմավարական գործընկերության խորացման հեռանկարները» ,- ասվում է հաղորդագրության մեջ:
