Ռուսաստանը պատրաստ է ՄԱԿ-ի խնդրանքով Գոլանի բարձունքներում փոխարինել Ավստրիայի խաղաղապահ ուժերին, և եթե դրանում հետաքրքրված լինեն տարածաշրջանի երկրները: Այս մասին հաղորդում է RIA Novosti-ն՝ վկայակոչելով Ռուսաստանի նախագահ Վլադիմիր Պուտինի հայտարարությունը:
«Հաշվի առնելով այն բարդ իրավիճակը, որն այսօր ձևավորվում է Գոլանի բարձունքներում, կարող էինք փոխարինել տարածաշրջանից հեռացող ավստրիական կոնտինգենտին Իսրայելի զորքերի և սիրիական բանակի միջև բաժանարար գծում: Բնականաբար, միայն այն դեպքում, եթե տարածաշրջանային գերտերությունները հետաքրքրված են դրանում, եթե ՄԱԿ-ի գլխավոր քարտուղարը խնդրի մեզ այդ մասին»,- ասել է Պուտինը:
Նախագահը նաև հիշեցրել է, որ որոշ ժամանակ առաջ հանդիպել է ՄԱԿ-ի գլխավոր քարտուղար Պան Գի Մունի հետ, որը խնդրել է մեծացնել մասնակցությունը ՄԱԿ-ի խաղաղապահ գործողություններին:
Հիշեցնենք, որ հինգշաբթի հայտնի է դարձել, որ Ավստրիան Մերձավոր Արևելքից դուրս է բերում իր խաղաղապահ զորակազմը:
