Ռուսական RIA Novosti լրատվական գործակալության փոխանցմամբ՝ Հարավային Կորեայի նախագահ Պակ Կին Հեն առաջին անգամ պաշտոնական այցով կժամանի Իրան: Այս մասին նշված է Երկնագույն տան («Չխոնվադե») տարածած հայտարարության մեջ:
Իրանի ու Հարավային Կորեայի միջև դիվանագիտական հարաբերությունները հաստատվել են 1962 թվականին, սակայն մինչ այժմ Հարավային Կորեայի նախագահը պաշտոնական այց չի կատարել Թեհրան:
Հարավային Կորեայի նախագահի առաջին այցն Իրան տեղի կունենա մայիսի 1-3-ը: Պակ Կին Հեն ծրագրում է հանդիպել Իրանի նախագահ Հասան Ռուհանիի հետ և քննարկել էներգետիկ, ենթակառուցվածքների, անվտանգության, առողջապահության ու շրջակա միջավայրի պահպանման ոլորտներում երկկողմ համագործակցության հարցը:
Իրանի ու Հարավային Կորեայի նախագահների հանդիպման ստույգ ամսաթիվը դեռ հայտնի չէ:
