Հետազոտությունը ցույց է տվել, որ աշխարհի բնակչության 95%-ն ունի առողջական խնդիր, հայտնում է gogetnews.info-ն:
Այդ եզրակացության մասնագետները եկել են լաբորատոր փորձերի և դիտարկումների արդյունքում: Պարզվել է, որ 1990-ից 2013 թվականների ընթացքում բժիշկները 20 ստուգվածներից միայն մեկ առողջ մարդ են հայտնաբերել: Ընդ որում, աշխարհում ավելացել է տարբեր ծանրության հիվանդություններ ունեցող պատանիների և աղջիկների քանակը: Ներկայիս ամենատարածված հիվանդություններից են հենաշարժական ապարատի և հոգեկան հիվանդությունները:
Փորձագետների կարծիքով՝ մարդկությունը հնարավորինս շուտ պետք է անցնի առողջ ապրելակերպի: Համաձայն նախագծի հեղինակների տեղեկատվության՝ մարդկանց միայն 5%-ին կարելի է համարել բացարձակ առողջ: Մոլորակի յուրաքանչյուր երրորդ բնակիչ ունի 5 և ավելի հիվանդություններ:
