ՀԱԿ անդամ, Կենտրոնական բանկի նախկին նախագահ Բագրատ Ասատրյանից «Առաջին լրատվականը» հետաքրքրվեց, թե ի՞նչ ազդեցություն կարող է ունենալ ՀՀ արտաքին պարտքը մեր տնտեսության վրա, եւ ինչու՞ են այսօր իշխանությունը ներկայացնող գործիչներն անգամ մտահոգություն հայտնում այդ առթիվ: Ըստ Բագրատ Ասատրյանի` այդ պարտքի մասին այժմ բարձրաձայնելը պայմանավորված է նախընտրական տրամադրություններով: Նա հիշեցրեց, որ «Բարգավաճ Հայաստան» խմբակցությունն իր ամբողջ կազմով կողմ է քվեարկել այդ պարտքերը ստանձնելուն: ԿԲ նախկին նախագահն ասաց, որ ժամանակին ինքը ահազանգել է այդ մասին, սակայն ոչ մի արձագանք չի եղել: «Ինչու՞ հիմա հիշեցին այդ մասին, ինչու՞ ժամանակին ծպտուն չէին հանում: Հիմա՞ հանկարծ նկատեցին, որ այդ պարտքը մեծ թիվ է կազմում»,- հարցնում է Բագրատ Ասատրյանը: