Դերասանուհի Լնդսի Լոհանը հայտարարել է ռուս Եգոր Տարաբասովի հետ նշանադրության մասին, հայտնում է TMZ-ը: Նա Լոհանին առաջարկություն է արել անցած հանգստյան օրերին: Լոհանի ընտանիքն ընդունել է ընտրությունը: Հարսանիքի մասին դեռ չի հաղորդվում:
29-ամյա Լոհանը և 22-ամյա Տարաբասովը ծանոթացել են մոտ 5 ամիս առաջ Նյու Յորքում երեկույթի ժամանակ:
Դերասանուհու ընտրյալի մասին քիչ բան է հայտնի: «Կոմսոմոլսկայա պրավդայի» հաղորդմամբ՝ նրա հայրը՝ Դմիտրի Տարաբասովը, տրանսպորտային խոշոր ընկերության և մի քանի խանութի տեր է: Եգորը Մոսկվայում է ծնվել և մեծացել, մի քանի տարի առաջ Լոնդոն է տեղափոխվել, որտեղ բացել է Home House Estates անշարժ գույքի գործակալությունը:
