ԱՄՆ ռազմաօդային ուժերը Կատարի կենտրոնական հատվածում՝ ալ-Ուդեյդ ավիաբազայում, շաբաթ օրը տեղակայել են ռազմավարական B-52 կործանիչներ՝ Իրաքում և Սիրիայում ԴԱԻՇ ահաբեկչական խմբավորման դեմ պայքարի համար: Այս մասին հայտնում է Reuters գործակալությունը՝ հղում անելով ամերիկյան հրամանատարությանը:
Ավելի վաղ հաղորդվել է B-52 կործանիչներ տեղակայելու ԱՄՆ մտադրության մասին, որը ունակ է կրել միջուկային սպառազինություն:
«B-52 կործանիչները ցուցադրում են ԴԱԻՇ-ի վրա ճնշում գործադրելու և ապագայում ցանկացած իրավիճակում տարածաշրջանը պաշտպանելու մեր ցանկությունը»,- գործակալությունը մեջբերում է ԱՄՆ ռազմաօդային ուժերի գեներալ-լեյտենանտ Չարլզ Բրաունի խոսքերը:
Նրա խոսքով՝ ինքնաթիռները պետք է իրականացնեն տարբեր տեսակի գործողություններ: Իսկ գեներալ-լեյտենանտ Քրիս Քարնսը հայտարարել է, որ չի կարող հայտնել բազայում տեղակայված կործանիչների քանակը՝ անվտանգության նկատառումներով:
